AQSh-ta áýege kóterilgen ushaqtyń qozǵalqyshynan órt shyqty
ATYRAÝ. KAZINFORM – AQSh-ta Boeing 767-400 jolaýshylar ushaǵynyń qozǵaltqyshy ushý kezinde órtendi, dep habarlaıdy Kazinform MSN-ge silteme jasap.
Bortynda 9 ekıpaj múshesi men 226 jolaýshy bar Delta ushaǵy Los-Andjelesten Atlantaǵa baǵyt alǵan kezde, áýege kóterilgennen keıin qozǵaltqyshtardyń biri janyp ketken. Ushqyshtar burylýǵa májbúr boldy.
Áýe kemesi jerge qonyp, jolaýshylar aman-esen ushaqtan shyqty. Zardap shekkender týraly aqparat joq. Oqıǵanyń sebepteri ázirge belgisiz.
Qazirgi kezde tergeý amaldary júrgizilip jatyr.
Buǵan deıin áýe kompanııalary Boeing ushaqtaryndaǵy otyn tetikterin teksere bastaǵanyn jazǵan edik.
