AQSh-ta áýe kompanııasynyń qyzmetkeri jolaýshylar ushaǵyn urlap ketti
ASTANA. QazAqparat - AQSh-tyń Vashıngton shtatynda áýe kompanııasynyń jumysshysy Sıetl áýejaıynan Horizon Air-ǵa tıesili Q400 ushaǵyn urlap ketti. Laıner Pıýdjet shyǵanaǵyna baryp qulady, dep habarlaıdy TASS áýejaıdyń Twitter-degi resmı paraqshasyna silteme jasap.
Urlanǵan ushaqtyń bortynda jolaýshylar bolmaǵan.
Osyǵan baılanysty, áýejaı jumysyn ýaqytsha toqtatýǵa týra keldi. Qazir oqıǵa ornyna AQSh Jaǵalaý kúzetiniń ókilderi kelip, egjeı-tegjeıli tekseris júrgizip jatyr.
NBC telekompanııasynyń málimetine qaraǵanda, oqıǵanyń terrorıstik aktige qatysy joq. Tártip saqshylarynyń aıtýynsha, opat bolǵan «ushqyshtyń» jeke tulǵasy anyqtalǵan, biraq esimi jarııa etilmeı otyr. Aldyn ala málimetterge qaraǵanda, onyń mundaı áreketke barýynyń negizinde jeke sebepter jatyr.
Aıta keteıik, Horizon Air áýe kompanııasy Alaska Air Group holdınginiń quramyna kiredi.
