AQSh-ta aýdany 111 sharshy metrlik turǵyn úıdi urlap ketti
ASTANA. QazAqparat - Amerıkandyq Oregon shtatynda belgisiz qaskúnemder aýdany 111 sharshy metrlik turǵyn úıdi urlap ketti, dep habarlady Lenta.rý The Washington Post basylymyna silteme jasap.
Ǵımarat ıesi onda turaqty turmaǵan jáne urlanǵan sátte de úıinde bolmaǵan. Úıdiń urlanǵanyn bilgen boıda polıtsııaǵa habar bergen. Jergilikti quqyq qorǵaý organdary aǵashtan salynǵan qurylysty izdeýge shuǵyl kirisip, eki kúnnen keıin shamamen burynǵy turǵylyqty jerinen 20 shaqyrymdaı jerden tapty.
Polıtseıler bul oqıǵaǵa tańǵalǵan, áýelde olar urlyqty qalaı tekserýdi de bilmegen. Quqyq qorǵaý organdary sondaı-aq tehnıkalyq jaǵynan úıdi qalaı kóterip ketkeni de jumbaq ekenin aıtady. Olardyń pikirinshe, aldymen domkratpen kóterip, jaıma platformaǵa tıep alyp ketýi múmkin.
Polıtseıler tekserýdiń basqa egjeı-tegjeıin aıtqan joq, biraq ta urlyqqa birneshe kúdikti adamdar bar ekenin bildirdi.
