AQSh-ta aýa raıyna baılanysty úsh myń áýe reısi toqtatyldy
ASTANA. QazAqparat - AQSh-ta aýa raıynyń qolaısyzdyǵyna baılanysty úsh myń áýe reısi toqtatyldy, dep habarlady beısenbi kúni «RIA Novostı » agenttigi FlightAware avıatsııalyq portalyna silteme jasap.
Aldaǵy saǵattarda eldiń soltústik-shyǵysynda qarly daýyl turatyny kútilýde. Sınoptıkterdiń málimeti boıynsha, keıbir aýdandarda 30-35 santımetrge deıin qar túsýi múmkin.
Portaldyń deregine súıensek, AQSh-ta beısenbi kúni 2881 ushaqqa kókke kóterilýge tyıym salynǵan. Keıinge shegerilgen reıster sany qazirgi tańda 200-di quraıdy.
Eń kóp toqtatylǵan reıster sany «La Gýardıa», Nıý-Iorktegi Djon Kennedı atyndaǵy, «Nıýark» jáne Bostondaǵy «Logan» áýejaılarynda tirkelgen.
AQSh-tyń ulttyq meteorologııalyq qyzmetiniń málimdemesi boıynsha, Bostonda qardyń túsýi aldaǵy demalys kúnderi de jalǵasady. Aýa raıynyń nasharlaýy saldarynan Nıý-Iorktegi, Bostondaǵy jáne Fıladelfııa okrýgindegi barlyq mektepter jabyldy.
Foto: © AP Photo/ Craig Ruttle
