AQSh-ta atqa mingen fermer velosıped urlaǵan adamdy «quryqtady»
ASTANA. QazAqparat - Oregon shtatynyń Medford qalasyndaǵy rancho ıegeri Robert Borba «Wallmart» dúkenine kelýshilerdiń biri velosıpedin urlatyp alǵanyn dereý bilip, uryǵa shalma laqtyryp ustady, dep jazady VVS.
-Bireýdiń aıǵaılaǵanyn estidim, qarasam, bir jigit velosıpedpen qashyp barady eken, - deıdi 28 jastaǵy shabandoz.
«Mail Tribune» portalynyń jazýynsha, ol uryny baıqaı sala, atyna minip izine túsken. Artynsha qaskúnem velosıpedten sekirip, jaıaý qashpaq bolǵanda, Robert oǵan shalma laqtyrǵan. Arqanǵa qylmysker shalynyp, qutyla almapty.
Uryny ustaǵan boıy ol dereý 911 qyzmetine habarlasyp, 15 mınýttan keıin kelgen polıtsııaǵa uryny tapsyrǵan.
