AQSh-ta atys bolyp, toǵyz adam qaza tapty
ASTANA. KAZINFORM – AQSh-tyń Pensılvanııa shtatyndaǵy Erı qalasynda bolǵan atys saldarynan toǵyz adam, onyń ishinde eki bala qaza tapty, dep habarlaıdy Sınhýa agenttigi.
Oqıǵa 9 qazan, juma kúni keshke bolǵan. Amerıkalyq buqaralyq aqparat quraldarynyń málimetinshe, polıtsııaǵa Perrı kóshesinde qarýly er adamnyń júrgeni týraly habar túsken.
Kýágerler er adamnyń oq atqannan keıin úılerdiń birine kirip ketkenin aıtqan.
Oqıǵa ornyna jetken polıtsııa qyzmetkerleri kósheden eki áıeldiń máıitin tapqan. Keıin úıdi tekserý barysynda taǵy birneshe adamnyń denesi anyqtalǵan.
Erie News Now basylymynyń habarlaýynsha, atys saldarynan barlyǵy toǵyz adam qaza tapqan. Olardyń arasynda eki bala bar.
Polıtsııa kúdiktiniń de oqıǵa ornynda óli tabylǵanyn málimdedi. Aldyn ala boljam boıynsha, ol ózine oq atyp, kóz jumǵan bolýy múmkin.
Qazirgi ýaqytta oqıǵanyń mán-jaıy men qylmystyń sebepteri anyqtalyp jatyr.
Aıta keteıik, bıyl sáýir aıynda AQSh-tyń Lýızıana shtatyndaǵy Shrıvport qalasynda bolǵan atys kezinde segiz bala qaza tapqan edi. Kúdikti polıtsııamen bolǵan atys kezinde kóz jumǵan.
