AQSh-ta áskerı qyzmetker Izraıl elshiliginiń aldynda ózin órtep jiberdi

ASTANA. KAZINFORM – AQSh áskerı-áýe kúshteriniń ofıtseri Palestınaǵa qoldaý kórsetý belgisi retinde Vashıngtondaǵy Izraıl elshiliginiń aldynda ózin órtep jiberdi, dep habarlaıdy The New York Times. 

Er adam aýyr halde aýrýhanaǵa jetkizildi, biraq ony qutqarý múmkin bolmady.

Izraıl elshiliginiń ókili Tal Naımnyń málimdeýinshe, elshilik qyzmetkeri zardap shekken joq. 

Er adam óz áreketterin beınege túsirip, ony Twitch strımıngtik platformasynda jarııalaǵan. 

Ushqysh «genotsıdke» qatysqysy kelmeıtinin aıtyp, Izraıldiń Gaza sektoryndaǵy áskerı áreketine qarsy urandar, atap aıtqanda «Palestına úshin» sózderin qaıtalady.

Ol ústine bótelkedegi móldir suıyqtyqty quıyp, ot jaqqan. Polıtseıler jalyndy bir mınýttan astam ýaqyt sóndirýge tyrysty.