AQSh-ta áskerı kemede bolǵan jarylystan 21 adam zardap shekti
LONDON. VVS – QazAqparat – Kalıfornııanyń San-Dıego qalasynda AQSh áskerı-teńiz kúshteri bazasynda ornalasqan amerıkalyq «Bonom Rıchard» (USS Bonhomme Richard) desantshylar kemesinde bolǵan jarylys pen órt saldarynan 17 teńizshi men tórt azamattyq qyzmetker jaraqat aldy, dep habarlaıdy QazAqparat Bı-bı-sı agenttigine silteme jasap.
Kemedegi órt jeksenbi kúni jergilikti ýaqyt boıynsha tańǵy saǵat 9:00 shamasynda bastalǵan. Bul ýaqytta desantshylar kemesine tehnıkalyq qyzmet kórsetilip jatqan. Kemeden qara tútin shyqqan. Amerıkalyq BAQ-tyń habarlaýynsha, sondaı-aq kemede jarylys bolǵan. Oqıǵa ornynda órt sóndirýshiler men áskerıler jumys istep jatyr, alaıda otty sóndirý múmkin bolmady.
«17 teńizshi men tórt azamattyq tulǵaǵa jergilikti aýrýhanada kómek kórsetiledi. Olardyń jaraqattary qaýipti emes», - dep habarlady amerıkalyq áskerı teńiz floty «Twitter» paraqshasynda.
