AQSh-ta áskerı áýe kúshteriniń 10 ofıtseri esirtki saqtady degen kúdikke alyndy
ASTANA. 11 qańtar. QazAqparat - Qurama shtattardyń áskerı áýe kúshteriniń 10 ofıtseri zańsyz esirtki saqtady degen kúdikke alynyp otyr, dep habarlady Bı-Bı-Sı Amerıkanyń áskerıleriniń sózine silteme jasaı otyryp.
Tergeý AQSh pen Ulybrıtanııanyń túrli alty áýe bazasynda qyzmetterin ótep júrgen toǵyz leıtanant pen bir kapıtanǵa qatysty júrgizilip jatyr.
Sonymen birge, kúdiktilerdiń arasynda Montana shtatyndaǵy Malstrom áýe bazasynda ıadrolyq qarýdy basqarýdyń eki ofıtseri bar. Amerıkalyq BAQ-tyń málemeti boıynsha, eki ofıtser de qupııa nysandarǵa kirý ruqsatynan aıyrylǵan.
Pentagonnyń aqparaty boıynsha, Montana bazasynda ıadrolyq qarýy bar (oqtumsyǵy) 420 qurylqaralyq ballıstıkalyq zymyran bar.
