AQSh-ta ár 10 adamnyń 9-y kıberalaıaqqa tap bolǵan
ASTANA. KAZINFORM — Jasandy ıntellekttiń damýy tsıfrlyq alaıaqtardyń qaptaýyna da sebepshi bolyp otyr, dep habarlaıdy Kazinform agenttiginiń Vashıngtondaǵy menshikti tilshisi CBS News arnasyna silteme jasap.
Consumer Reports, Aspen Digital jáne Jahandyq kıbernetıka alıansy birlese júrgizgen zertteýge sáıkes, Amerıkada ár on adamnyń toǵyzy kıbershabýyldar men alaıaqtyqqa ushyraǵan, azamattardyń 17%-y tsıfrlyq qaýipsizdiktiń buzylýyna baılanysty aqshasynan aıyrylǵan.
— Amerıkandyqtardyń onnan toǵyzy alaıaqtyqtyń nemese kıbershabýyldardyń qurbany bolǵan. Bul statıstıka emes, bul biz qyzmet kórsetetin adamdardyń derlik barlyǵy. Jasandy ıntellekt alaıaqtyqty jyldamdatady, arzandatady jáne jekeshelendiredi. Eshkim ony jalǵyz ózi jeńe almaıdy. Kompanııalar jaýapkershilikke tartylýy kerek. Úkimetterge naqty sharalar qajet, — deıdi Consumer Reports prezıdenti ári bas dırektory Fıl Redford.
Buryn alaıaqtyq áreketterdi oılastyrý, uıymdastyrý úshin kóp shyǵyn jumsalsa, qazir sonyń bárin jasandy ıntellekt jeńildetip otyr. Bul tehnologııa derekterdi urlaýdy ońaılatady, sebebi ol jeke adamǵa tuzaq qoıý úshin paıdalanatyn aqparatty tezirek sıntezdeýge múmkindik beredi.
Naýryz jáne sáýir aılarynda shamamen 5000 eresek adamǵa saýalnama júrgizgen Consumer Reports amerıkalyqtardyń 90%-y sandyq alaıaqtyqqa nemese kıbershabýylǵa ushyraǵanyn anyqtady. AQSh turǵyndary ózderiniń jeke derekteriniń qaýipsizdigine, ásirese qylmyskerlerdiń olardyń qarjylyq shottaryna kirý múmkindigine alańdap otyr.
Pentagonǵa kıbershabýyl jasalyp, 3 mln adamnyń deregi ashylyp qalǵany belgili boldy.
Quryltaı Qazaqstannyń kıberqylmysqa qarsy kúresin kúsheıtetin qujatty qabyldady.
Ortalyq Azııadaǵy kıberqaýipsizdikke tótep berý máselelerin talqylaý úshin mamandar Astanada bas qosty.
