AQSh-ta aptap ystyqta kólikte qalyp ketken bala kóz jumdy

HЬıÝSTON. QazAqparat – Tehas shtatynyń Hıýston qalasynda rekordtyq deńgeıdegi joǵary temperatýdan qyzyp ketken kólikte qalǵan 5 jasar bala kóz jumdy, dep habarlaıdy QazAqparat ABC News-ke silteme jasap.

Polıtsııanyń málimetinshe, bala úıiniń janyndaǵy turaqta turǵan kóliktiń ishinde qalyp qoıǵan.

Dúısenbi kúni Hıýstonda aýa temperatýrasy Tselsıı shkalasy bloıynsha 39 gradýsqa jetken. Bul – 2011 jyldan bergi eń joǵary temperatýra kórsetkishi.

Ata-anasy balanyń ápkesiniń týǵan kúnin atap ótýge daıyndalyp jatqan. Jetkinshektiń úıde joq ekenin biraz ýaqyt ótkennen keıin ǵana baıqaǵan.

Polıtsııanyń málimetinshe, bala qaýipsizdik belbeýin qalaı aǵytatynyn jáne óz otbasynyń kóliginen ózdiginen qalaı shyǵý kerektigin bilgen. Biraq sol kúni ol jalǵa alynǵan kólikte bolǵan, ondaǵy esikte balalarǵa arnalǵan qaýipsizdik bekitpesi bolmaǵan. KidsAndCars.org. Ulttyq kommertsııalyq emes uıymnyń derekteri boıynsha, ol – bıyl AQSh-taǵy qyzyp turǵan kólikte qaıtys bolǵan besinshi bala.