AQSh-ta Anna Kýrnıkovanyń anasy qamaýǵa alyndy

ASTANA. Qańtardyń 20-sy. QazAqparat - Amerıkandyq buqaralyq aqparat quraldary Palm-Bıchte tanymal tennısshi Anna Kýrnıkovanyń anasy Alla Kýrnıkovanyń qamaýǵa alynǵanyn málim etti. QazAqparat bul týraly VVS telekompanııasyna silteme jasap habarlaıdy.

Onyń bes jasar balasy Allan (Anna Kýrnıkovanyń bir anadan týǵan baýyry) úıdiń ekinshi qabattaǵy terezesinen sekirip ketkennen keıin, polıtsııa Alla Kýrnıkovany balaǵa salǵyrt qaraǵany úshin qamaýǵa alyp otyr.

Derek kózderdiń habarlaýynsha, Alla Kýrnıkova balasyn úıde jalǵyz qaldyryp ketken. 5 jasar Allan jergilikti aýrýhanalardyń birine jetkizildi. Onyń denesiniń biraz jeri jaraqattanǵan.