AQSh-ta anasy men balasy bir aı ishinde lotereıadan mıllıon dollar utyp aldy

ROLI. QazAqparat – Amerıkanyń Soltústik Karolına shtatynda áıel lotereıadan 500 myń AQSh dollaryn utyp alǵan, al balasy budan bir aı buryn dál osy lotereıanyń 518 774 dollar kólemindegi djekpotyn aldy, dep habarlaıdy QazAqparat UPI-ge silteme jasap.

Shtat astanasy Rolı qalasynyń turǵyny Peggı Ýılıams Soltústik Karolına lotereıasynyń ókilderine Double Diamond Cashword bıletin nebári 10 dollarǵa satyp alǵanyn jáne 500 myń AQSh dollaryn utqanyn bilgende qatty tańqalǵanyn aıtty.

«Buǵan sený qıyn. Men qatelespegenime kóz jetkizý úshin bıletti shamamen 10 ret tekserdim», - dedi ol.
Bir aıdan az ýaqyt buryn ol uly Rendı 518 774 AQSh dollary kóleminde djekpot utyp alǵan kezde lotereıanyń shtab-páterine utysyn alýǵa anasymen birge barǵan.
«Bireý bizge batasyn berdi degen sezimdemin»,-dep atap ótti Rendı Ýılıams.
Otbasy Rendıdiń utysyn bastapqyda Peggıdiń úıin jóndeý úshin jumsamaq bolǵanyn aıtqan edi, qazir olar jańa úı salý múmkindigin qarastyryp otyr.