AQSh-ta ana sútine suranys artýda
ASTANA. QazAqparat - AQSh-ta ana sútine degen suranys artyp keledi. Tipti, búginde bala emizetin áıelder ony tabys kózine aınaldyrǵan. Búginde atalmysh súttiń bir lıtri shamamen 70 dollar turady.
Áıelder óz «ónimderin» kóbinese ǵalamtor arqyly jarnamalaıdy. Sútke degen suranystyń artyp otyrǵany sonshalyq, el áıelderiniń 80 paıyzy balasyn ózderi emizýdi qalaıtyndaryn aıtqan. Alaıda AQSh-tyń Ana sútimen emizý jónindegi komıteti mamandarynyń aıtýynsha, ǵalamtor arqyly satyp alynǵan súttiń sapasyn eshbir quzyrly organ qadaǵalamaıdy. Sondyqtan, sútti ondaı jolmen alýǵa abaı bolǵan jón, dep jazady VVS.
Aıta keterligi, búginde álemniń birqatar elderinde de ana sútine degen zor suranys artyp keledi. Máselen, ótken jyly qytaılyq mıllıonerlerdiń emshek sútine myńdaǵan dollar aqsha tóleýge daıyn ekeni týraly aqparat taraǵan bolatyn. Atap aıtqanda, ol elde jańa týǵan náresteni nemese túrli dertke shaldyqqan balalardy, tipti eresek adamdardy emizetin áıelderge aı saıyn 4 myń dollar tóleýge daıyn ekenderin aıtqan.
Sondaı-aq álemde ana sútin satýmen aınalysatyn alǵashqy saıt 2010 jyly paıda bolǵan. Jyl saıyn onyń tutynýshylary artyp keledi. Sondaı-aq sútin ǵalamtor arqyly satatyn jeke satýshylardy da kóptep kezdestirýge bolady. Buǵan qosa, 2011 jyly Londonda ana sútinen jasalǵan Baby Gaga balmuzdaǵy paıda bolsa, qazir Kalıfornııada atalmysh sútten jasalǵan krem synaqtan ótkizilýde.
