AQSh-ta alyp tasbaqanyń kesirinen eki úı órtendi
ASTANA. QazAqparat - Tehastyń San-Antonıo qalasynda salmaǵy 68 keli bolatyn Bıts esimdi 15 jasar tasbaqa eki úıdi órtedi. Alyp janýar tor janyndaǵy shamdy jerge qulatyp alǵan. Saldarynan búkil úı órtke orandy jáne jalyn sharpyny kórshi úıge de jetken. Abyroı bolǵanda, eshkim zardap shekken joq, dep habarlaıdy Fox News.
Bıtstyń qojaıyndary órtti der kezinde baıqap, órt sóndirýshilerdi shaqyrdy, degenmen kórshi úı de órtenip úlgerdi. Tasbaqa qaǵyp ketken sham tósekke túsip, lezde ot tutanǵan. Saldarynan úıdiń ishi kúlge aınaldy.
Kórshiler tasbaqa sebepshi bolǵan órt saldarynan 150 myń dollar shyǵynǵa batqanyn aıtýda. Ázirge polıtsııa men sarapshylar abaısyzda qulaǵan shamnan qalaısha mundaı alapat órt bolǵanyn anyqtap jatyr.
68 keli tartatyn oqıǵa sebepkeriniń saýyty kúıgen. Bıtstyń qojaıyny barlyq shyǵyndy saqtandyrý kompanııasy tóleýi tıis dep otyr.
