AQSh-ta allıgatordy asyrap alǵan áıel ony erkindikke jiberýden bas tartyp otyr (FOTO)
ASTANA. QazAqparat - Florıda shtatynyń turǵyny Merı Tornnyń qoltyraýyndy úıde ustaýyna jergilikti sheneýnikter qarsy bolyp otyr, dep jazady The New York Daily News.
Janýarlardy qorǵaý uıymynyń paıymynsha, Rembo esimdi 55 keli allıgator tabıǵı ortada kem degende bir gektar aýmaqta mekendeýi tıis.
Al onyń ıesi qoıqańnyń (allıgator) eshkimdi tistemeıtinin, ym-ısharatty túsinetinin, úıde adamdarmen jáne ıttermen birge ómir súrýge úırenip ketkendigin jáne kıim kıip júrýge daǵdylanǵandyǵyn alǵa tartýda.
Jyrtqysh jalǵyz ómir súre almaıdy, deıdi ıesi.Baýyrymen jorǵalaýshy tipti baıker áıel Merımen birge mototsıklge minedi.
Torn allıgatordy 11 jyldan beri baǵyp-qaǵyp keledi. Qoltyraýyndy mektepterge, qaıyrymdylyq sharalaryna qatystyrýǵa aparady.
Rembo dalaǵa shyqpaıdy, ıesi «onyń terisi kúnge shydamaıdy» degendi aıtady, sondyqtan kóshege shyǵar aldynda sezimtal terisin qorǵaý úshin ony arnaıy kıim kıindiredi.
Sheneýnikter Rembony Tamptegi Croc Encounters jabaıy janýarlardyń qoryǵyna jiberýge usynyp otyr. Croc Encounters dırektory Djo Paner eger Torn olarǵa qoıqańdy berse, ony ózge baýyrymen jorǵalaýshylardan alshaq ustap, kúnge kóp shyǵarmaý jónindegi talapty saqtaıtyndyqtaryn aıtýda. 
