AQSh-ta alǵash ret koronavırýsqa qarsy vaktsına adamǵa salyndy

NUR-SULTAN. QazAqparat - AQSh mamandary alǵash ret koronavırýsqa qarsy vaktsınany adamǵa saldy. Degenmen, ony jappaı paıdalanýǵa berý úshin áli de ýaqyt qajet, dep jazady CNBC.

«Sıetlde saý adamǵa koronavırýsqa qarsy vaktsına salyndy. Klınıkalyq zertteý týraly búgin sheneýnikter resmı túrde málimdedi. Aldaǵy alty apta boıy ǵalymdar taǵy 45 adamǵa zertteý júrgizedi. Osylaısha vaktsınanyń qaýipsizdigi tekserilmek», - dep jazylǵan saıt aqparatynda.

Avtordyń aıtýynsha, vaktsınany zertteý Sıetl qalasynda ornalasqan Vashıngton ǵylymı-zertteý ınstıtýtynda júrgiziledi.

«Allergııa jáne ınfektsııalyq aýrýlardyń ulttyq ınstıtýty jańa vaktsınany janýarlarǵa synaqtan ótkizbesten, birden adamǵa salý týraly sheshim qabyldaǵan. Bul vaktsınanyń naryqqa shyǵýyn tezdetedi, alaıda bul tek alǵashqy qadam ekenin eskerý kerek», - dep jazady avtor.

Onyń aıtýynsha, jańa preparat klınıkalyq synaqtyń úsh satysynan ótýi tıis. Eger qazirgi test sátti aıaqtalsa, onda jappaı paıdalanýǵa vaktsına 12-18 aı ishinde beriletin bolady.

Jańa vaktsınany NIAID ǵalymdary men Kembrıdjdegi Moderna Inc. bıotehnologııalyq kompanııasynyń ǵalymdary jasaǵan.