AQSh-ta alǵash ret adamnyń kózinen Ebola vırýsy anyqtaldy
ASTANA. QazAqparat - Djordjııa shtatynyń Atlanta qalasyndaǵy Emorı ýnıversıtetiniń ǵalymdary adamnyń kóziniń ishindegi suıyqtyqtan Ebola vırýsyn anyqtady, dep jazady BELTA.
Olardyń aıtýynsha, Serra-Leonede DDSU jelisi boıynsha Ebolamen kúresýge járdemdesken amerıkandyq dáriger ıAn Krozeden atalmysh dert 2014 jyldyń qyrkúıeginde anyqtalǵan. Emorı ýnıversıtetiniń mamandary ony emdep jazǵan, alaıda, eki aıdan soń dáriger bir kóziniń qabynyp aýyrǵanyna shaǵymdanǵan. Atalmysh ýnıversıtette júrgizilgen zertteýler nátıjesinde onyń kóz ishindegi suıyqtyǵynda Ebola vırýsynyń bar ekeni anyqtaldy.
Medıkterdiń aıtýynsha, Krozeden basqa adamdar aýrýdy juqtyrýy múmkin emes, óıtkeni, onyń kóz jasy men ulpalarynda vırýs joq. Ol qazir emdelip, aýrýynan aıyǵyp keledi.
Jalpy, epıdemııa bastalǵaly Gvıneıa, Lıberııa jáne Serra-Leonede 11 005 adam qaza tapty, 26 593 adam atalǵan vırýsty juqtyrdy. Dert Malı, Nıgerııa, Senegal, Ispanııa, Ulybrıtanııa jáne AQSh-ta da tirkelgen.
