AQSh-ta «álemdegi eń júırik áıel» ómirden ozdy
ASTANA. QazAqparat - «Álemdegi eń júırik áıel» atanyp ketken amerıkalyq kaskader Kıttı O'Nıl 72 jasynda qaıtys boldy, dep habarlaıdy Washington Post.
O'Nıl 2 qarasha kúni ıÝrıka qalasynda (Kalıfornııa shtaty) pnevmonııadan kóz jumdy. Onyń ólimin jergilikti jerleý bıýrosynyń dırektory Lıza Karlsen rastady.
Kıttı O'Nıl Gollıvýdtyń basty kaskaderlik stýdııasy sanalǵan Stunts Unlimited-qa qosylǵan birinshi áıel edi. Zymyran avtomobıl jyldamdyǵyn saǵatyna shamamen 600 mıl (966 shaqyrym) jyldamdyqqa jetkizgen ol «Álemdegi eń júırik áıel» ataǵyn alǵan.
Kaskader áıel eń tanymal trıýkteriniń birin Wonder Woman ("Ǵajap áıel") teleserıaly úshin oryndady: O'Nıl Los-Andjelestegi Hilton qonaqúıiniń shatyrynan sekirip, qoldaryn jaıǵan kúıi 39 metrdeı qalyqtaǵan kúıi áýe jastyǵyna qulaǵan.
