AQSh-ta álemdegi eń qart mysyq ómirden ótti
ASTANA. QazAqparat - Tehas shtatyndaǵy Mensfıld qalasynda álemdegi eń uzaq jasaǵan mysyq 30 jasynda kóz jumdy.
Skýter esimdi úı janýary Gınnestiń rekordtar kitabyna engen. Mysyq 1986 jyldyń 26 naýryzynda týǵan. Ol óziniń ıesi Geeıl Floıdpen birge turǵan, dep habarlaıdy sheteldik BAQ.
Úı ıesi áıeldiń aıtýynsha, 30 jyl ishinde mysyqtyń daǵdysy ózgermegen, ol tańerteń saǵat altyda mııaýlap tamaq suraıdy, keshke áıeldi jumystan kelgende esik aldynda kútip alady. Geıl mysyǵynyń uzaq ómir súrýin qozǵalysynyń kóptiginen dep sanaıdy. 30 jylda Skýter Amerıkanyń 50 shtatynyń 45-in aralaǵan.
Ol tórt aptalyǵynda anasynan aıyrylǵan, 2014 kúzde aıaǵyn syndyryp alǵan eken. Sol sebepti ólgenge deıin medıtsınalyq tekserýden ótip, janýarlar dárigerine qaralyp turǵan.
Buǵan deıin álemdegi eń kári mysyq Oregon shtatyndaǵy 26 jyl ómir súrgen Kordýroı sanalyp kelgen. Al jalpy eń uzaq ómir súrgen mysyqtyń ǵumyry 38 jyl 3 kúnge sozylypty.
