AQSh-ta álemdegi alǵashqy elektrondyq kitaphana ashylady
ASTANA. 14 mamyr. QazAqparat - Burynda kitaphanada kitaptyń ornyna juqa planshet beredi degenge senýdiń ózi qıyn bolýshy edi. Qazir bul shyndyqqa aınaldy.
Bıylǵy jyly kúzde AQSh-tyń Tehas shtatyndaǵy San-Antonıo qalashyǵynda álemdegi biregeı kitapsyz kitaphana esigin aıqara ashpaq. Onda shań basqan dástúrli kitap sóreleri bolmaıdy, dep habarlady Resheto.rý ádebı portaly.
«BiblioTech» dep atalatyn jańa kitaphanada kitaptardy «elektrondyq býkrıderler» almastyrady.
Bul jańalyqqa jergilikti sýdıa Nels Výlf bastamashy boldy. Ol ataqty ««Apple» korporatsııasynyń burynǵy basshysy Stıv Djobstyń ǵumyrnamasyn oqyǵannan keıin osy jobany jasady. Áýeli «elektrondyq kitaptardy» oqý úshin kitaphanada júz býkrıder bolady. Gadjetterdi az ýaqytqa úıge alyp ketýge de ruqsat etiledi. Eger sizde kóshirý qurylǵysy bolsa, qajetti kitapty ózińizge júkteı alasyz.
Munda balalardy da qaǵys qaldyrmaǵan. Olar úshin oınaıtyn bólme qarastyrylǵan, sondaı-aq kitaphana qoryna mýzyka men fılmderdi de qospaq.
Výlftiń aıtýynsha, kitaphana jurtshylyqtyń bárine qoljetimdi bolmaqshy. Onda materıaldardy bastyryp alýǵa ǵana aqsha tóleıdi.
