AQSh-ta alaıaqtyǵy úshin mıllıarder 11 jylǵa sottaldy
ASTANA. 15 qazan. QazAqparat - AQSh-ta Galleon hedj-qorynyń negizin qalaýshy Radj Radjaratnam ınsaıderlik aqparat saýdasymen jáne qundy qaǵazdar alaıaqtyǵymen aınalysqany úshin 11 jylǵa bas bostandyǵynan aıyryldy.
RBK-nyń Reuters-ke silteme jasap habarlaýynsha, Manhetten okrýgtik sotynyń keshe qabyldaǵan sheshimi osy tektes qylmys úshin belgilengen eń uzaq merzim bolyp tabylady. Soǵan qaramastan prokýratýra Radj Radjaratnamdy kem degende 19,5 jylǵa sottaýdy talap etken bolatyn.
Munymen R.Radjaratnamnyń isi áli aıaqtalǵan joq: osy jyldyń mamyr aıynda aıyptalýshy oǵan qarsy 14 aıyptaý boıynsha óz quqyǵyn qorǵaý úshin apellıatsııaǵa berdi.
Esterińizge sala keteıik, 2003 jyldan 2009 jylǵa deıin Galleon kompanııasynyń qurylymy túrli kompanııalardaǵy, atap aıtqanda: Google, Intel jáne Hilton Hotels-te qyzmet isteıtin joǵarǵy shendi derek kózderi usynǵan ishki ujymdyq málimetterdi paıdalaný arqyly 63,8 mln. dollar tabysqa jetken.
