AQSh-ta akvaparkte hlordyń tarap ketýinen 20 adam aýrýhanaǵa tústi
ASTANA. 16 tamyz. QazAqparat - AQSh-ta Sakramento qalasyndaǵy jekemenshik akvaparkte joǵarǵy kontsentratty hlor eritindisiniń tarap ketýi saldarynan 20 adam aýrýhanaǵa jetkizildi.
TJ jasandy tolqyndy basseınde oryn aldy. Associated Press-tiń habarlaýynsha, zardap shekkenderdiń barlyǵy (arasynda toǵyz bala bar) aýrýhanaǵa jetkizildi. Sorý jabdyǵynyń tehnıkalyq aqaýy saldarynan hlor belgili mólsherden artyq bólinip, onyń sońy adamdardyń ýlanýyna ákelip soqty.
Zardap shekkenderdiń arasynda akvaparktiń úsh qyzmetkeri de bar. Oqıǵanyń naqty jaı-japsary áli anyqtalý ústinde.
