AQSh-ta akter ári rejısser Robert Redford qaıtys boldy

ASTANA. KAZINFORM – AQSh-ta 89 jasynda belgili akter ári rejısser Robert Redford ómirden ótti. Bul týraly ol jumys istegen jarnama agenttiginiń bas dırektory Sındı Berger The New York Times basylymyna habarlady, dep jazdy DW.

Derekke qaraǵanda, Redford ıÝta shtatyndaǵy óz úıinde, súıikti ornynda, jaqyndarynyń qasynda uıyqtap jatyp kóz jumǵan.

Kınokarerasynda Redford 100-den astam fılmge tústi. Onyń eń tanymal týyndylarynyń qatarynda «Býtch Kessıdı jáne Sandens Kıd» (1969), «Úsh kún Kondor» (1975), «Prezıdenttiń búkil adamdary» (1976) bar.

Akter retinde eń kassaly fılmi – 1993 jyly jaryq kórgen «Uıatsyz usynys» melodramasy. Demı Mýr jáne Výdı Harrelson oınaǵan bul kartına prokatta 267 mln dollar jınaǵan.

Rejısser retinde Redford óziniń alǵashqy týyndysy – 1981 jyly shyqqan «Qarapaıym adamdar» dramasy úshin «Oskar» júldesin jeńip alǵan.

Aıta keteıik, AQSh-ta «Álemdegi eń meıirimdi sýdıa» qaıtys boldy.