AQSh-ta Aq úıdi jaryp jibermek bolǵan er adam ustaldy
ASTANA. QazAqparat - AQSh Federaldyq tergeý bıýrosynyń qyzmetkerleri eldegi birneshe nysandy, onyń ishinde Aq úı men Bostandyq músinin jaryp jiberýge daıyndalǵan er adamdy ustady. Bul týraly ABC telekompanııasy habarlady.
BAQ málimetterine qaraǵanda, Djordjııa shtatynda turatyn Hasher Djalıal Tahıbqa aıyp taǵylyp otyr.
2018 jyly jeltoqsanda kúdikti qupııa túrde jumys isteıtin Federaldyq tergeý bıýrosy qyzmetkerine Aq úıdiń syzbasyn kórsetip, jarylǵysh zattar men qarý-jaraq alýǵa kómektesýin suraǵan.
Budan basqa Tahıb arnaıy agentke Aq úı men Bostandyq músininen basqa Vashıngton monýmentine, Lınkoln memorıalyna jáne ǵıbadathanaǵa shabýyl jasaǵysy keletindigin aıtqan.
Federaldyq tergeý bıýrosynyń qyzmetkerleri kúdiktige qarý-jaraq men jarylǵysh zat berip, bulardy onyń avtomobıline almastyrǵan. Artynsha ustaldy.
