AQSh-ta Aq úı mańynda atys bolyp, bir adam jaralandy
ASTANA. KAZINFORM – AQSh Qupııa qyzmeti Vashıngton qalasynyń ortalyǵynda atys bolǵanyn habarlady. Quqyq qorǵaý organdary bir adamdy jaralaǵan, onyń jaǵdaıy belgisiz, dep habarlaıdy DW basylymy.
Memleket basshylaryn qorǵaýmen aınalysatyn AQSh Qupııa qyzmeti Vashıngtonnyń ortalyǵynda 15-kóshe men Táýelsizdik dańǵyly qıylysynda atys bolǵanyn málimdedi.
– Quqyq qorǵaý organdarynyń qyzmetkerleri bir adamdy jaralady, onyń qazirgi jaǵdaıy belgisiz, – delingen qyzmettiń X áleýmettik jelisindegi habarlamasynda. Oqıǵa ornyna jedel qyzmetter keldi.
Oqıǵa Aq úı men Kapıtolııge jaqyn ornalasqan Vashıngton monýmenti mańynda bolǵan. Aq úıdiń baspasóz qyzmetiniń habarlamalaryna qaraǵanda, osy ýaqytta AQSh prezıdenti rezıdentsııasynda shaǵyn bıznes máseleleri boıynsha keńes ótkizip jatqan. Atalǵan qıylystan Aq úıge deıingi araqashyqtyq shamamen 1 km.
Tramp atysqa qaramastan sózin jalǵastyrdy
Associated Press agenttiginiń habarlaýynsha, Aq úı ýaqytsha jabylǵan. Qupııa qyzmet kóshede júrgen jýrnalısterdi brıfıng zalyna kirgizgen. Donald Tramp óz baıandamasyn úzilissiz jalǵastyrǵan.
Kolýmbııa okrýginiń órt sóndirý jáne jedel járdem departamenti dárigerlerdiń eresek er adamdy aýrýhanaǵa jetkizgenin, sondaı-aq jeńil jaraqat alǵan jasóspirimge kómek kórsetkenin habarlady.
Kolýmbııa okrýginiń polıtsııa departamenti polıtsııanyń oqıǵa ornynda ekenin málimdedi.
– Oqıǵa orny qorshaýǵa alyndy. Bul aýdannan árirek ketińizder, óıtkeni joldar birneshe saǵatqa jabylady, – delingen polıtsııanyń X áleýmettik jelisindegi málimdemesinde.
Eske sala keteıik, 25 sáýirde Donald Tramp AQSh-tyń ózge de joǵary laýazymdy ókilderimen birge Aq úı tilshileriniń jyl saıynǵy keshki asynan atys týraly habardan keıin evakýatsııalandy. Prezıdenttiń sózin kútip otyrǵan júzdegen jýrnalıst, tanymal tulǵalar men memlekettik qaıratkerler otyrǵan banket zaly dereý bosatylǵan.
Al Trampqa oq atqan kúdiktige qastandyq jasamaq boldy degen aıyp taǵyldy.
