AQSh-ta aǵaıyndylar lotereıadan 290 mln dollar utty
ASTANA. QazAqparat - PowerBall - Qurama Shtattar jáne búkil álemde eń tanymal lotereıalardyń biri. Ol Amerıkada aptasyna eki ret oınatylyp, birneshe mıllıon qatysýshynyń nazaryn aýdartady.
Baǵasy nebári eki dollar turatyn bılet birneshe mıllıon dollardy quraıtyn «djekpotty» jeńýge múmkindik beredi.
Osyndaı oqıǵa Pensılvanııa shtatynda boldy. Aǵaıyndy Djeıms pen Bob Stoklas Powerball lotereıasynda 391 mıllıon dollardan astam somany jeńip alǵan. Bul týraly bilmegen Pensılvanııa turǵyndary dostarymen birge súıikti meıramhanasynda as iship otyrǵan edi. Tańǵy as kezinde jergilikti jańalyqtardy kórgende, 391 mıllıon dollar utqandaryn bilip, erekshe tańqaldy. Alaıda utys teń bólingen joq. Baqytty lotereıalyq bılet Djeımske 291,4 mıllıon dollar ákelgeni, al Bob nebári jeti dollar utqany belgili boldy.
Aǵaıyndy Soklastar bul utystyń qurmetine meıramhanada otyrǵandardyń barlyǵyn tegin tamaqtandyrdy, dep habarlaıdy planet-today.ru.
