AQSh-ta A/H1N1 tumaýyna qarsy vaktsınanyń 5 mıllıondaı dozasy qaıtaryp alyndy
ASTANA. Jeltoqsannyń 23-i. QazAqparat - Brıtandyq straZeneca kompanııasynyń enshiles kásiporny - amerıkandyq MedImmune farmatsevtıkalyq kompanııasy A/H1N1 tuaýyna qarsy vaktsınanyń 4,7 mıllıon dozasyn qaıtaryp alynǵanyn málim etti.
«Vaktsınanyń qaýipsizdigine qatysty eshqandaı kúdigimiz joq, biz tek onyń tıimdiliginiń tómendegenin baıqap otyrmyz», - dedi jeltoqsannyń 22-sinde telefon konferentsııasynda AQSh-taǵy Azyq-túlikter men dárilik zattardy baqylaý jónindegi ákimshiliktiń zertteý jáne taldaý vaktsınasy jónindegi dırektory Norman Beılor.
Ol sondaı-aq, MedImmune vaktsınasyn ekkenderge eshteńeden qaýiptenbeýlerin jáne qaıta vaktsına qabyldaýlaryna negiz joq ekenin aıtyp otyr. Buǵan deıin frantsýzdyń Sanofi-Aventis kompanııasy da dál osyndaı sebeppen 800 myń doza vaktsınany qaıtaryp alǵan edi.
Álemde A/H1N1 tumaýynan qaıtys bolǵandardyń sany 10 myń adamnan asty, dep habarlaıdy Dúnıejúzilik densaýlyq saqtaý uıymy.
