AQSh-ta 70 jyl burynǵy 14 jasar balany ólim jazasyna kesý sot qateligi dep tanyldy
ASTANA. QazAqparat - 70 jyl buryn Ońtústik Karolına shtatynda 14 jasar afroamerıkandyq Djordj Stınnıdiń ólim jazasyna kesilýi sot qateligi dep tanyldy.
Ony sársenbi kúni jergilikti aımaqtyq sot resmı túrde moıyndady.
«Atalǵan oqıǵada adamnyń konstıtýtsııalyq quqyqtarynyń óreskel buzýshylyqtary anyqtaldy», - dep qorytyndylady sot úderisine tóraǵalyq etken sýdıa Karmen Mallen.
8 jáne 11 jasar aq násildi eki qyz balany óltirgeni úshin aıyptalǵan Djordj Stınnı 1944 jyldyń kókteminde sottalǵan. Ol ata-anasy nemese basqa kámelettik jasqa jetken týystarynyń qatysýynsyz qamaýǵa alynyp, qorǵaýshysy bolmaı suraldy. Stınnıdiń isi boıynsha sot qaraýy eki saǵatqa ǵana sozyldy. Ólim jazasyna kesý úkimi tolyǵymen aq násildi jergilikti turǵyndardan quralǵan alqa bılerdiń qatysýymen nebári 10 mınýttyń ishinde shyǵaryldy. Ol birden oryndaldy.
