AQSh-ta 656 mln. dollar djekpotty utyp alǵan lotereıa jeńimpazdarynyń biri tabyldy

Bul týraly ITAR-TASS habarlady.

Lotereıanyń Kanzas shtatyndaǵy resmı ókilderi málim etkendeı, baqytty jan juma kúni janyna qorǵaýshysy men qarjy keńesshisin ertip, olardyń keńselerine kelgen.

Jeńimpaz óz esimin, sondaı-aq jynysyn, jasyn, turǵylyqty jerin jáne aınalysatyn kásibin jarııa etpeýdi talap etti. Belgilisi, ol utys bıletin Ottava qalasyndaǵy (Kanzas shtaty) «Keısıs» ýnıvermagynda satyp alǵan. Bul úshin dúken 10 myń dollar kóleminde komıssııalyq tólem alady.

Baqytty adamnyń úlesi 218,6 mln. dollardy quraıdy jáne ol bul somany 26 jylǵa bólip alýdy emes, dereý jáne qolma-qol alýdy qalaǵan. Bul jaǵdaıda lotoreıanyń erejesi boıynsha utys somasy eki esege derlik qysqarady, ıaǵnı salyqtardy shegerip tastaǵanda 110,5 mln. dollardy quraıtyn bolady.