AQSh-ta 55 jyl qashyp júrgen 79 jastaǵy qylmysker ustaldy
ASTANA. QazAqparat - Florıda shtatynyń quqyq qorǵaýshylary adam óltirgeni úshin sottalyp, túrmeden qashqan jáne 55 jyldan astam ýaqyt sottan qashyp júrgen er adamdy ustady.
79 jastaǵy Frenk Freshýoters qasaqana emes adam óltirgeni úshin kináli dep tanylǵan. 1957 jyly jaıaý júrginshini kólikpen qaǵyp ketken oǵan shartty jaza taǵaıyndalyp, kólikti júrgizý quqyǵynan aıyrylǵan.
Keıin júrgizýshi kýáligin qaıta alǵan ol kólikti qaıta júrgize bastap, shartty túrde bostandyqqa shyǵý talaptaryn buzdy. Freshýoters jalpy rejimdegi abaqtyǵa jiberilip, 1959 jyly odan qashyp ketken.
Túrmeden qashqan qylmysker Florıdada turaqtap, sońǵy 20 jyl boıy treılerde jalǵan atpen ómir súrgen. Polıtsııa baqylaý ornatyp, saýsaqtarynyń tańbasyn alǵan soń, shyn esimin anyqtap, qamaýǵa aldy, dep habarlaıdy VVS.
