AQSh-ta 53 gradýs aıaz bolýy múmkin
ASTANA. QazAqparat - Osy aptada AQSh-ta kún kúrt sýytty. Meteorologtardyń aıtýynsha, «polıar quıyny» jyljyp kele jatqandyqtan, keı jerlerde aýa temperatýrasy mınýs 53 gradýsqa deıin tómendeýi múmkin, dep habarlaıdy VVS.
Aıova shtatynyń bıligi jergilikti turǵyndardy kóshede sóılespeýge, tereń tynys almaýǵa shaqyryp jatyr.
Eldiń soltústik-batysyndaǵy Vıskonsın, Mıchıgan jáne Illınoıs shtattarynda, artynsha tipti ońtústikke qaraı ornalasqan Alabama jáne Mıssısıpı shtattarynda da tótenshe jaǵdaı jarııalandy.
Meteorologtar qatty aıazda nebári 10 mınýt turǵan adamdy úsik shalýy múmkin dep eskertip jatyr.
Aıazdyń naǵyz qahary seısenbiden beısenbige deıingi aralyqqa týra keledi. Bul kúnderi Chıkagoda kún Antarktıdadan da sýyq bolady.
Boljamdarǵa qaraǵanda, Chıkagoda aýa temperatýrasy -33 gradýsqa deıin tómendep, uıtqyǵan jeldiń ekpinimen mınýs 46 gradýstaı seziledi.
Sınoptıkter Vıskonsın, Illınoıs, Alabama jáne Djordjııa shtattarynda qar molynan jaýatynyn boljap otyr.
