AQSh-ta 50 mln-nan astam adamǵa tornado men kúshti daýyl qaýpi tónip tur
ASTANA. KAZINFORM – AQSh-tyń birqatar shtattarynda 50 mıllıonnan astam adamǵa tornado men kúshti daýyl qaýpi tónip tur. Sınoptıkter joıqyn jel, iri burshaq jáne tornado bolýy múmkin ekenin eskertip otyr. Bul týraly AQSh Ulttyq meteorologııalyq qyzmeti habarlady.
AQSh Ulttyq meteorologııalyq qyzmetiniń málimetine súıensek, Mınnesota, Vıskonsın jáne Kanzas shtattarynda tornado men beısbol dobyndaı iri burshaq tirkelgen. Mamandardyń aıtýynsha, aýa raıynyń kúrt nasharlaýy eldiń ortalyq jáne soltústik óńirlerin qamtýy múmkin.
Qaýiptiliktiń joǵary deńgeıi Aıova, Vıskonsınniń ońtústigi, Illınoıstyń soltústigi, Indıana men Ogaıonyń soltústik aýdandary, sondaı-aq Mıchıgannyń ońtústigi úshin jarııalandy. Ásirese Chıkago, Mılýokı, De-Moın jáne Detroıt qalalary mańynda kúshti tornado, joıqyn jel ekpini men iri burshaq jaýý qaýpi saqtalyp otyr.
Sondaı-aq daýyldy aýa raıy Oklahomadan Vıskonsınniń ońtústigine deıingi aýmaqta kútiledi. Buǵan qosa Pensılvanııa men Ogaıonyń birqatar bólikteri, sonyń ishinde Pıttsbýrg pen Klıvlend qalalary da qaýip aımaǵyna engizilgen.
Meteorologtar turǵyndarǵa aýa raıy boljamdaryn jiti baqylap, resmı eskertýlerge nazar aýdarýǵa jáne qaýipsizdik sharalaryn qatań saqtaýǵa keńes berdi.
Buǵan deıin AQSh aýmaǵyn sońǵy júz jyldaǵy eń qýatty qysqy daýyldardyń biri basyp ótip, myńdaǵan áýe reısi toqtatylǵany habarlanǵan.
