AQSh-ta 50 adamdy atqan qylmysker iri kúzet kompanııasynda jumys istegen
ASTANA. QazAqparat - Amerıkanyń Orlando qalasyndaǵy túngi geı-klýbta 50 adamdy atyp tastaǵan Omar Matın 2007 jyldan beri álemdegi iri G4S jeke kúzet kompanııasynda jumys istegen, dep habarlaıdy Bı-Bı-Sı agenttigi.
«Orlando túngi klýbyndaǵy qaıǵyly jaǵdaıǵa sene alar emespiz. 2007 jyldyń 10 qyrkúıeginen bastap Omar Matın G4S kompanııasynda jumys istegenin rastaımyz. Biz quqyq qorǵaý organdarymen, sonyń ishinde FTB-men yntymaqtastyq ornatqanbyz», - delingen G4S kompanııasynyń resmı Týıtterdegi akkaýntynda jarııalanǵan kompanııanyń soltústikamerıkalyq qurylymynyń basshysy Djon Kennıngtiń málimdemesinde.
Eske sala ketsek, Orlandodaǵy Pulse túngi geı-klýbynda bolǵan atys saldarynan 50 adam qaza taýyp, taǵy 53 adam jaraqat aldy. Shabýyl jasaǵan - 29 jastaǵy aýǵandyq qazirgi AQSh azamaty Omar Matın. Ol oqıǵa ornyna jetken arnaıy qyzmetkerlermen atysta kóz jumdy.
