AQSh-ta 5 jasqa deıingi balalarǵa Pfizer men Moderna ekpeleri egilýi múmkin

NUR-SULTAN. QazAqparat - AQSh densaýlyq saqtaý salasynyń sheneýnikteri jeksenbi kúni Pfizer men Moderna kompanııalarynyń koronavırýsqa qarsy vaktsınalarynyń pedıatrııalyq dozalary 5 jasqa deıingi balalar úshin qaýipsiz ári tıimdi ekeni týraly málimdeme jasady, dep habarlaıdy QazAqparat tilshisi NBC News arnasyna silteme jasap.

AQSh-tyń Densaýlyq saqtaý jáne halyqqa qyzmet kórsetý departamenti (FDA) Azyq-túlik jáne dári-dármek basqarmasy 5 jasqa deıingi balalarǵa arnalǵan Pfizer jáne Moderna vaktsınalarynyń taldaýyn jarııalady. Bul qujattar 15 maýsymda táýelsiz sarapshylar óz usynystaryn berip, joǵaryda atalǵan dárilerdi qoldanýǵa daýys beretin otyrys qarsańynda ázirlendi.

FDA taldaýyna sáıkes, AQSh-taǵy koronavırýs jaǵdaılarynyń shamamen 3%-y 6 aıdan 4 jasqa deıingi jas tobyna keledi. Alaıda, osy toptaǵy aýrýhanaǵa jatqyzý jáne ólim-jitim deńgeıi úlken jastaǵy balalarǵa qaraǵanda joǵary, bul olardy vaktsınatsııalaýdyń bir sebebi bolyp tur.

AQSh Densaýlyq saqtaý mınıstrliginiń málimetinshe, 5 jasqa deıingi 30 myńnan astam amerıkalyq bala koronavırýspen aýrýhanaǵa jatqyzyldy, olardyń arasynda 500-ge jýyǵy qaıtys boldy.