AQSh-ta 5 kún teńizde bolǵan 18 adam qutqaryldy
VAShINGTON. QazAqparat – San-Dıegodan ońtústik-batysqa qaraı shamamen 16 mıl jerde, AQSh-Meksıka shekarasyna jaqyn halyqaralyq sý aıdynynan tabylǵan apatqa ushyraǵan motorly qaıyqtan 18 adam qutqaryldy, dep habarlaıdy QazAqparat tilshisi CBS News-ke silteme jasap.
AQSh jaǵalaý kúzetiniń málimetinshe, borttaǵy jolaýshylar arasynda eki kishkentaı bala – 2 jasar qyz ben 4 jasar ul bala bolǵan.
Aman qalǵandar tamaq pen sýy bolmaǵanyn aıtty. Olar qutqarylǵanǵa deıin bes kún boıy bir orynda qalqyp júrgen.Jaǵalaý kúzeti sársenbi kúni tústen keıin bortynda adamdary bar zardap shekken qaıyqty baıqaǵan basqa kemeden habarlama aldy.
Oqıǵa ornyna jetken tikushaq ekıpajy jeti adamdy, onyń ishinde eki balany, Kalıfornııa shtatynyń San-Dıego qalasyna jetkizdi.
Qalǵan 11 jolaýshyny Meksıka áskerı-teńiz kúshteriniń kemesi aman alyp qaldy.
Foto: headtopics.com
