AQSh-ta 5 890 tonna qardan bıiktigi 37,21 metrlik alyp aqqala jasalǵan

 Dál osy jyly ıta­lıandyq músinshi, sáýletshi Mıke­land­jelo Býonarrotı qardan ár alýan músin jasaǵan eken. Alǵashynda qardan maqulyqtardyń músini jasalsa, keıin kele ár aýlada jaǵymdy keıipkerlerdiń músinderi boı kótergen. Adamdar qudaıdan tilek tilep, solar arqyly jyn-perilerdi úrkitemiz dep senip, Aqqalalar ár úıdiń sharbaǵynda turǵyzyla bastaǵan. XIX ǵasyrdan bastap, qardan somdalǵan músinder jańa jyldyq atrıbýt bolyp qalyptasty, dep jazady «Alash aınasy» basylymy.

Al qazaqta Aqqala sózi eki maǵynada aıtylady. Birinshisi - qardan jasalynatyn adam beınesi. Ádettegi qardy oıyp, basyna - shelek - tanaýyna sábiz shanshyp ornatyp qoıatyn balalar oıyny. Ekinshisi - yqtasyn. «Aqqalanyń áýelgi maǵynasy da osydan paıda bolǵan» desedi. Óıtkeni soltústik óńirdiń qazaqtarynda qalyń jaýǵan qardy úıý arqyly úıdiń aınalasyna yqtasyn ornatý osy kúnde de saqtalǵan. Eski túrki tilinde qala ataýy qorǵan maǵynasynda aıtylatynyn eski jazbalardan kezdestirýge bolady. Sondaı-aq mundaı jazbalar qa­zaq­tarda da kezdesedi. Máselen, Er Tarǵyn jy­rynda «Qyrym degen qalanyń jel jaǵyna qalasyń, yq jaǵyna panasyń» degen joldar bar. Sonymen qatar elimizdiń shyǵys óńirinde kúzde taldan mal qamaıtyn sharbaq toqyp qoıady. Jáne ony aqqala dep ataıdy

Jalpy, búgingi kúni Aqqala jasaý - ba­la­lardyń qys mezgilindegi súıikti oıyny bo­lyp tabylady. Alaıda sońǵy jyldary bul oıynǵa eresekter de shyndap kirisken sy­ńaıly. Óıtkeni búgingi tańda elder ara­syn­da Aqqala jasaýdan báseke bar. My­saly, Eýropanyń Avstrııa elinde 16,7 metr qar músin jasalǵan bolsa, AQSh-tyń Betel qa­lasynda 37,21 metrlik «Olımpııa» dep ata­latyn alyp aqqala jasalǵan. «Olım­pııa­ny» turǵyzýǵa 5 890 tonna qar jum­sa­lyp­ty.