AQSh-ta 5-11 jas aralyǵyndaǵy balalarǵa koronavırýsqa qarsy vaktsına salyna bastady

NUR-SULTAN. QazAqparat - Danııada eki aı buryn alynǵan COVID-19-ǵa baılanysty shekteýler qaıta engiziledi, dep habarlaıdy QazAqparat Covid-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Arnaıy komıssııa Úkimetke koronavırýsty «qoǵamǵa qaýipti aýrý» dep tanylýyn usyndy. Densaýlyq saqtaý mınıstrligi 15 jastan bastap barlyq turǵyndarda sanıtarlyq ruqsattyń bolýyn talap etýde.

AQSh-ta 5-11 jas aralyǵyndaǵy balalar koronavırýsqa qarsy vaktsına alýdy bastady. Aq úıdiń COVID -19 taralýyna jol bermeý jónindegi úılestirýshisi Djeff Zıntstiń málimdemesine sáıkes, AQSh bıligi vaktsınatsııalaý naýqanyna aldyn-ala daıyndyq jumystaryn júrgizip, balalarǵa arnalǵan 28 mıllıon vaktsınany daıarlady.

Balalarǵa vaktsınany 10 mkg bolatyn eki dozada egý jumystary júrgiziledi, bul 12 jastan asqan eresek azamattardyń alatyn mólsheriniń úshten bir bóligin quraıdy.

Sıngapýr bıligi vaktsına almaǵan azamattardyń koronavırýsty emdeý aqysyn tóleýdi toqtatady. Vaktsınatsııadan óz erkimen bas tartqan adamdar úshin 8 jeltoqsannan bastap aýrýhanalarǵa túsken jaǵdaıda tólem alynady. Bul ózgerister 12 jasqa deıingi balalarǵa jáne vaktsınatsııalaýǵa jatpaıtyn eresek azamattarǵa qatysty qoldanylmaıdy.