AQSh-ta 48 jyl burynǵy qylmys temeki qorabyndaǵy saýsaq izderi arqyly ashyldy

ASTANA. KAZINFORM — AQSh-tyń Ogaıo shtatynda turatyn er adamǵa 48 jyl jyl buryn áıeldi óltirgeni úshin aıyp taǵyldy. Er adam kem degende 25 jylǵa bas bostandyǵynan aıyrylýy múmkin, dep habarlaıdy NBC News. 

1977 jyly 24 jastaǵy Janett Ralston jynystyq zorlyq-zombylyqqa ushyrap, keıin býyndyryp óltirilgeni habarlandy. Onyń máıiti barǵa jaqyn jerdegi kóliktiń artqy oryndyǵynan tabylǵan.

Qyzdyń dostary polıtsııaǵa onyń belgisiz er adammen birge bardan shyǵyp ketkenin aıtqan.

Santa-Klara okrýgi prokýrorynyń orynbasary Rob Beıkerdiń aıtýynsha, quqyq qorǵaý organdary jábirlenýshiniń kóliginen tabylǵan temeki qaptamasynan tabylǵan saýsaq izderin FBI derekter bazasy arqyly tekserip kórgen, biraq nátıje bolmady. Saýsaq izderi ótken jyly bıýro izdeý júıesiniń algorıtmderin jańartqannan keıin qaıta qaraldy.

Anyqtalǵan saýsaq izderi 69 jastaǵy Vıllı ıÝdjın Sımsqa tıesili bolyp shyqty. Onyń DNQ-sy Ralstonnyń saýsaq ushy men jeıdesinde tabylǵan úlgilerge de sáıkes keledi.

Sheneýnikterdiń aıtýynsha, Sıms 8 mamyrda sotta jaýap beredi. Ol 25 jyldan ómir boıyna deıin bas bostandyǵynan aıyrylýy múmkin.

Eske sala keteıik, AQSh-tan esirtki jetkizgen kúdikti 16 jylǵa sottaldy.