AQSh-ta 450-ge jýyq bala sırek kezdesetin qaýipti vırýsty juqtyrdy
ASTANA. QazAqparat - AQSh-ta 443 bala sırek kezdesetin respıratorly aýrýdy juqtyrdy, dep habarlady Ýtro.ru.
Syrqattardy baqylaý jáne aldyn alý jónindegi amerıkalyq ortalyqtyń málimetteri boıynsha, balalardyń juqtyrý jaǵdaılary 40 shtatta tirkelgen. Vırýstyń taraýy osy jyldyń tamyzynda bastalǵan.
68 enterovırýsynyń belgileri tumaýǵa uqsas. Alaıda onyń sońy tynys alýdyń kúrdeli dertine ákelip, tipti keı jaǵdaılarda adam sal bolyp qalýy múmkin.
Qazirgi tańda vırýstyń osy túrine qarsy turatyn dári-dármek joq. Dárigerlerdiń qolynan bar keletini - aýrý belgilerin jeńildetý. Medıtsına qyzmetkerleri epıdemııa odan ary taraı beredi degen qaýipte.
Birinshi ret bul vırýs jarty ǵasyr buryn tirkelgen, alaıda ony juqtyrý jaǵdaılary sırek kezdesetin. Onyń jappaı belgileri AQSh-tyń batysynda bilingen. Osy kúni vırýs Qurama Shtattardyń aýmaǵynan syrt elderge tarap ketti. Taıaýda vırýstyń eki jańa shtammy Azııa men Avstralııada tirkeldi.
