AQSh-ta 40 jyl túrmede otyrǵan kinásiz er adam bosatyldy
ASTANA. QazAqparat - Amerıkandyq Ýaıtvıll qalasynyń (Soltústik Karolına shtaty) soty qatesiz sot sheshimimen temir torda 40 jylǵa jýyq otyrǵan 70 jastaǵy Djozef Sledjdy túrmeden bosatýǵa qaýly shyǵardy, dep habarlady TASS.
1976 jyly Sledj 74 jastaǵy áıeldi jáne onyń 57 jastaǵy qyzyn óltirdi degen aıyppen ómir boıy túrmede otyrýǵa kesilgen bolatyn. Alaıda jaqynda júrgizilgen DNK saraptamasy er adamnyń bul qylmysqa qatysy joq ekenin kórsetti. Sonymen birge, basty kýágerlerdiń biri óziniń dálelderinen bas tartty.
Sot istiń jańa jaǵdaılaryn zerdelegennen keıin Sledjdi kinásiz dep tanydy. Túrme qaqpasynan shyqqan er adam jýrnalısterge endi "naǵyz kereýette jaqsylap uıyqtap alatynyn" aıtty.
Amerıkandyq BAQ-tyń málimetterine qaraǵanda, 1973 jyldan beri AQSh-ta túrmege qatelikpen túsken 150-ge tarta adam bosatylǵan.
