AQSh-ta 40 mln Takata qaýipsizdik jastyǵy keri qaıtarylady
ASTANA. QazAqparat - AQSh-tyń Kólik mınıstrligi taıaý úsh jylda japonııalyq Takata kompanııasy ornatqan 35-ten 40 mln qaýipsizdik jastyǵyn keri qaıtarýdy kózdep otyrǵandyǵyn málimdedi, dep habarlaıdy Bı-Bı-Sı agenttigi.
Qaýipsizdik qapshyǵyn úrleıtin tetiktegi kemshilik saldarynan álemde 11 adam qaza tapqan soń eldiń Joldaǵy qozǵalys qaýipsizdigi basqarmasy osyndaı sheshim qabyldaǵan.
Buǵan deıin álemde Takata shyǵarǵan 29 mln qaýipsizdik jastyǵy keri qaıtaryldy.
Byltyr AQSh-tyń Kólik mınıstrligi Takata kompanııasyna 70 mln dollar aıyppul belgilep, qaýipsizdik jastyǵynyń jarylyp ketýine jol beretin ammonıı nıtratyn paıdalanýǵa tyıym saldy.
Budan buryn Takata qaýipsizdik jastyǵyn Honda, Toyota Motor, Nissan, Mazda, General Motors kontsernderi, sondaı-aq Ford pen BMW óz avtomobılderinen alyp tastaý úshin keri shaqyrǵan bolatyn.
