AQSh-ta 4 jasar bala anasyna oq atty
ASTANA. QazAqparat - AQSh-tyń Florıda shtatynda tórt jasar bala óz anasyn arqasynan atty, jergilikti bılik tapansha balanyń qolyna qalaı tıgenin, oqıǵanyń neden bolǵanyn anyqtaý ústinde, dep habarlady «Assoshıeıted Press» agenttigi.
Degenmen, BAQ-taǵy aqparatta okrýg sherıfi Patnam Djozef Ýellstapansha balanyń anasy, 31 jastaǵy Djeımı Gıltke tıesili bolǵanyn aıtty.
«NBC» telearnasynyń habarlaýynsha, oqıǵa jol ústinde bolǵan. Sherıf kómekshisi kólik rólindegi Gılttiń kómekke shaqyrǵanyn baıqap qalǵan. Kólikke taqap barǵan tártip saqshysy áıeldiń jaralanǵanyn kóredi. Oǵan oq atqan kóliktegi óz balasy bolyp shyqty. Telearnanyń málimetine súıensek, bala tapanshany kólik ishinen taýyp alǵan.
Qazir jaraly áıel aýrýhanaǵa jatqyzylǵan. AQSh-tyń Balalar isi boıynsha departamenti oqıǵany tergeýge kiristi.
