AQSh-ta 4 mıllıonnan astam bala koronavırýspen aýyrǵan
NUR-SULTAN. QazAqparat – Pandemııa bastalǵannan beri AQSh-ta 4 mıllıonnan astam bala COVID-19 indetine shaldyqqan. Bul týraly QR Úkimeti janyndaǵy Qazaqstanda koronavırýstyń taralýyna jol bermeý jónindegi VAK jumysy týraly ortalyqtyń telegram kanalyna silteme jasap habarlaıdy.
Balalar da eresekter sekildi koronavırýs ınfektsııasyn juqtyrýǵa beıim keledi. Pandemııa bastalǵannan beri AQSh-ta 4 mıllıonnan astam bala COVID-19 indetine shaldyqqan. Buǵan amerıkandyq Pedıatrııa akademııasy men balalar aýrýhanalary qaýymdastyǵynyń esebi dálel. Habarlamada aıtylǵandaı, ótken aptada balalar arasynda 23,5 myńnan astam vırýs juqtyrý deregi tirkelgen. AQSh-ta COVID-19 ınfektsııasymen aýyrǵandardyń jalpy sanynyń 14,2%-n balalar quraıdy.
