AQSh-ta 4 balanyń anasy vaktsına alǵandar arasyndaǵy lotereıadan mln dollar utty

VAShINGTON. QazAqparat – Tórt balanyń anasy koloradolyq Heıdı Rassel COVID-19-ǵa qarsy vaktsına salǵandar arasyndaǵy lotereıadan mıllıon dollar utyp aldy, dep habarlaıdy QazAqparat.

Mamyrda gýbernator Djared Polıs ekpe alǵandar arasynda ótetin lotereıadan bes turǵyn osyndaı soma uta alatynyn habarlaǵan bolatyn. Aqsha ımmýndaý aýqymyn arttyrý maqsatynda shtatqa bólingen federaldy qarajattan beriledi.

«Bul utys tórt balany ósirýge kómek bolady. Alaıda men osy qarajatpen basqalarǵa da kómek kórsete alamyn degen úmittemin», - dedi jeńimpaz CBS telearnasyna.

Otbasynyń basqa músheleri de utysty ózderine paıdaly etip jumsaıtynyn aıtady. Rasseldiń sózine qaraǵanda, onyń qyzdarynyń biri osy qarajattyń ishinen óziniń kolledjdegi oqýynyń aqysyn tólemek.