AQSh-ta 350 myń dollarǵa qala satylady
ASTANA. QazAqparat - Ǵalamtorda Djeıms Djonson atty adam Kebın-Krık (Cabin Creek) qalasyn 350 myń dollarǵa satyp alýdy usynady. Djonson ózin «osy qalanyń ıesimin» dep ataǵan. Eger shahardy sata qalǵan jaǵdaıda, ol aqshany qaltaǵa basyp, álem aralaýǵa shyqpaqshy eken.
Aıta ketý kerek, Kebın-Krıkte ótken ǵasyrdyń 70-jyldary qatarynan birneshe ret kisi óltirý bolyp, budan soń qala qańyrap, bos qalǵan edi. Qazir bul jerde eshkim turmaıdy. Biraq, mundaǵy ǵımarattar jaqsy kúıde saqtalyp qalypty. Atap aıtsaq, Kebın-Krıkte dúkender, dámhanalar bar. Tipti mundaǵy úılerde turýǵa da bolady.
Jalpy Djeıms Djonson qalany attraktsıonǵa aınaldyrmaq bolǵan, biraq onyń sáti túspepti. Endi Denver qalasynan 45 mınýtta ornalasqan qalashyq óziniń jańa ıesin kútýde, dep jazady Domain-ǵa siltememen 24.kz.
