AQSh-ta 35 qaıyq órtenip, 8 adam qaza tapty
NUR-SULTAN. QazAqparat - AQSh-tyń Alabama shtatynda 35 qaıyq órtenip, 8 adam qaza tapty, dep habarlaıdy QazAqparat VVS-ge silteme jasap.
Basylymnyń habarlaýynsha, órt adamdar uıyqtap jatqanda tutanǵan. 7 adam sýǵa sekirip aman qalǵan. Qutqarýshylar sýda áli de izdeý jumystaryn júrgizip jatyr.
«Órttiń neden týyndaǵany belgisiz. Órt Tennesı ózeninde turǵan 35 qaıyqty sharpyǵan, onyń 7-eýi sýǵa batyp ketken. Qaza tapqandardyń aty-jóni belgisiz»,- dep jazady basylym.
Alabama shtatyndaǵy Skottsboro qalasynda 14 myń adam turady. Qala bıligi órt shyǵyny jáne tekserý jumystary 3-4 kúnge sozylatynyn aıtty.
