AQSh-ta 35 avtokólik kúre jolda soqtyǵysqan
ASTANA. QazAqparat - Seısenbi kúni Nıý-Iork shtatynyń soltústigindegi Baffalo qalasynyń mańynda iri jol apaty boldy, adam shyǵyny bar, dep habarlaıdy TASS.
Kúre jolda 35 mashına soqtyǵysqan. Aldyn ala málimetterge qaraǵanda kem degende bir adam mert bolyp, taǵy bir adam aýyr halde aýrýhanaǵa jetkizilgen. AVS telekompanııasynyń habarlaýynsha, soqtyǵysqan mashınalardyń 25-i jeńil avtomobıl, al qalǵany iri júk kólikteri.
Oqys oqıǵaǵa joldaǵy kúrtik qar men kórý múmkindiginiń kúrt nasharlaýy sebep bolǵan.
