AQSh-ta 32 jyl buryn joǵalyp ketken qyz tabyldy
ASTANA. KAZINFORM — AQSh-ta 1994 jyly joǵalyp ketken qyz 32 jyldan keıin tabyldy. Osy ýaqyt ishinde ol esimin aýystyryp, ótken kúnge oralǵysy kelmegen, dep habarlaıdy BILD.
1994 jyly 15 mamyrda 13 jasar Krıstına Marı P. Arızona shtatyndaǵy Star alqabyndaǵy shaǵyn eldi mekende joǵalyp ketken. Ondaǵan jyldarǵa jalǵasqan izdeý jumystary esh nátıje bermedi. Tergeýshiler bul isti adam urlaý qylmysy bolýy múmkin dedi.
Qyz joǵalyp ketkennen keıin búkil el boıynsha izdeý jarııalanǵan plakattar ilindi. Іzdeý jumystaryna eriktiler de qosyldy, biraq bala tabylmady. 32 jylǵa jýyq ýaqyt ótken soń tergeýshiler isti qaıta ashyp, joǵalǵan qyzǵa uqsaıtyn 44 jastaǵy áıeldi tapty.
Tekserý barysynda onyń buryn joǵalǵan Krıstına ekeni rastaldy. Ol osy ýaqyt aralyǵynda basqa esimmen ómir súrip, otbasyn quryp, burynǵy ómirin artta qaldyrǵany belgili boldy.
Polıtsııa basshysy Djeımı Garrettiń aıtýynsha, qyz jasóspirim kezinde úıden óz betimen ketken bolýy múmkin.
— Ol bul oqıǵanyń buryn bolǵanyn jáne ótken ómiri ekenin aıtty, — dedi Garret.
Quqyq qorǵaý organdary áıeldiń tańdaýyn qurmetteý úshin qosymsha málimetterdi jarııalamaıtynyn atap ótti. Onyń derekteri joǵalǵan balalardyń ulttyq bazasynan alynyp tastaldy.
Buǵan deıin ánshi Gúlnár Sıqymbaevanyń uly joǵalyp ketkeni týraly jazdyq.
Sondaı-aq Aqtóbede joǵalǵan balany izdeý úshin 10 top qurylyp, olar oqıǵa bolǵan Saryjar aýylynan Mártók aýylyna deıin júrip ótti. Aqtóbe oblystyq PD bastyǵy Qaıyrken Álıev aýyldy qaıtadan muqııat qarap shyǵýdy tapsyrdy.
