AQSh-ta 300 júkti áıel Zıka bezgegin juqtyrǵan
ASTANA. QazAqparat - AQSh-ta 300 júkti áıel Zıka bezgegin juqtyrǵan. Bundaı derekti osy eldiń Aýrýlardyń aldyn alý jáne baqylaý ortalyǵy taratty, dep jazady Bı-bı-sı.
Buǵan deıin 157 áıel osy dertti juqtyrǵany málim edi. Endi taǵy 122 júkti áıeldiń osy dertke dýshar bolǵany anyqtaldy.
Zıka bezgegi eń áýeli júkti áıelder úshin óte qaýipti. Sebebi ol náresteniń boıynta týabitti aýytqýshylyqtardy qalyptastyrýy múmkin. Sonyń ishinde mıkrotsefalııa syndy aty jaman dert te bar.
Byltyr Brazılııada 1000-ǵa jýyq balanyń mıy qalypty mólsherden kishi bolyp týǵan.
DDSU jýyrda Zıka bezgegi osy jazda Eýropaǵa da taraýy múmkin ekendigin habarlaǵan.
Buǵan deıin atalǵan densaýlyq uıymy Zıka búkil álemge qaýip tóndirip turǵan indet ekenin, oǵan qarsy vaktsına áli tabylmaǵanyn jarııalaǵan.
